Á morgun, föstudaginn 8. maí 2009 verða mótmæli vegna aðgerðarleysis íslenskra stjórnvalda gagnvart stöðu heimilanna í landinu.

Staðsetning Alþingishúsið klukkan 13:00

Fjölmennum því á morgun við Alþingishúsið klukkan 13:00, göngum síðan upp að Stjórnarráði þar sem ríkisstjórnin mun sitja  að störfum og látum í okkur heyra.

Við viljum minna stjórnvöld á að heimili landsmanna eru að brenna upp í skuldum og að sú “Skjaldborg” sem slá átti um hemilin sé hvergi sjáanleg.

Þolinmæði flestra íslendinga er að þrotum kominn!

Almenningur í landinu hefur þurft að sýna ótakmarkaða þolinmæði gagnvart stjórnvöldum sem á móti sýna landsmönnum enga vægð þegar að innheimtuaðgerðir eru annars vegar.

Margir sjá sér ekki annara kosta völ en að fara i greiðsluverkfall.

Slagorð:

1.  Aðgerðir eru valkostur!

2.- Greiðsluverkfall - lokaúrræði?

3. Skjalborg óskast!

4. Björgum heimilunum!

5. Heimilin í forgang!

Í gegnum tíðina hafa stjórnvöld hlustað þegar að almenningur fjölmennir og mótmælir, reynslan hefur sýnt okkur það og  kennt okkur það að samstaða er það eina sem skiptir máli.

Sýnum samstöðu - Mætum öll!

f.h Nýrra Tíma

Sigurlaug Ragnarsdóttira

Raddir Fólksins boða til vikulegra mótmæla á morgun kl. 15:00 við Austurvöll. Þó svo að umtalsverðir sigrar hafi unnist undanfarna daga má ekki slá slöku við. Enn á eftir að skipta um í Seðlabanka og mikilvægt er að halda nýrri stjórn við efnið. Um kvöldið verður svo boðið til hátíðar á Nasa þar sem nokkrar vel þekktar hljómsveitir koma fram.

Í sautján vikur hafa Raddir fólksins barist gegn flokksræði og siðleysi í íslenskum stjórnmálum. Tugþúsundir Íslendinga hafa flykkst á Austurvöll til að knýja fram virkt lýðræði og nýja stjórnarskrá. Með samstilltu átaki fjöldans og einbeittum markmiðum hefur okkur tekist að ná glæsilegum áfangasigri. Ein óvinsælasta stjórn Íslandssögunnar er fallin, boðað hefur verið til kosninga og búið er að víkja stjórn Fjármálaeftirlitsins frá störfum

Sigurhátíð Radda fólksins á Austurvelli

Mótmæli á Austurvelli halda áfram eins og undanfarna 15. laugardaga. Raddir fólksins.

Margar glæsilegar ræður hafa verið fluttar á Austurvelli á fjölmennum mótmælafundum undanfarnar 9 vikur. Yfirskrift þeirra hefur verið Breiðfylking gegn ástandinu. Í undanfara jólanna hefur skiljanlega dregið úr aðsókn á fundina. Mæður og feður vilja búa börnum sínum gleðileg og friðsæl jól. Slíkt er sjálfsagt og eðlilegt, en um leið er engin ástæða til að leggja fundina af. Þessar aðstæður kalla hins vegar á breytt fundarform.

AUSTURVÖLLUR 13. DESEMBER 2008, KLUKKAN 15.00

“Verður haldinn í Háskólabíó mánudaginn 8. desember kl. 20:00 - 22:00. Forysta verkalýðshreyfinga, fulltrúar lífeyrissjóða, félagsmála- og viðskiptaráðherrar hafa fengið formlegt fundarboð til að koma og svara spurningum almennings milliliðalaust. Tilgangur fundarins er að gefa hinum almenna borgara kost á að spyrja ráðamenn beinna spurninga og leyfa ráðamönnum að heyra beint frá þeim aðilum sem þeir þjóna.”

Opinn Borgarafundur #5

Áfram halda friðsamleg mótmæli á Austurvelli gegn því kreppuástandi sem myndast hefur á Íslandi. Á hverjum laugardegi streyma þúsundir manna á Austurvöll og krefjast afsagnar núverandi stjórnar Seðlabankans, afsagnar núverandi stjórnar gjaldeyrsieftirlitsins og nýrra kosninga.

Mótmæli á Austurvelli laugardag 6 desember Kl.15

Fjórðu skjaldborgarmótmælin fara fram á morgun. Stöndum vörð um Alþingi, vörð um lýðræðið. Látum stjórnvöld finna fyrir því að okkur sé ekki sama. Krefjumst ábyrgðar og kosninga!

Nú þegar ráðamenn keppast við að fordæma mótmælendur fyrir meint ofbeldi gegn dauðum hlutum verðum við að standa þétt og sína áframhaldandi friðsöm mótmæli. Þrátt fyrir fréttaflutning og sögur af ofbeldi við Seðlabankann, var ekkert slíkt í gangi. Við skulum geyma þetta orð, ofbeldi, ef við skyldum þurfa að nota það í framtíðinni. Við vonum auðvitað að til þess komi aldrei.

Mætum öll á morgun kl. 12 fyrir fram Alþingishúsið

Við blása til trukka-mótmælagöngu klukkan 14 í dag, 1. desember. Gangan hefst frá Hlemmi og verður gengið niður Laugaveg niður Arnahól þar sem Þjóðfundur hefst með tilheyrandi dagskrá klukkan 15.

Borgarahreyfingin hvetur alla landsmenn til að sýna samstöðu og krefjast breytinga á stjórn landsmála og breytinga á stjórnsýslu með því að leggja niður vinnu og mæta á Þjóðfund á Arnarhóli klukkan 15:00 mánudaginn 1. desember. Borgarahreyfingin stendur algerlega utan við alla stjórnmálaflokka og telur að núverandi stjórnvöld sem og stjórnarandstaða hafi glatað trausti landsmanna,” segir ennfremur.

Frummælendur verða:

Einar Már Guðmundsson rithöfundur
Margrét Pétursdóttir verkakona
Snærós Sindradóttir nemi
Þorvaldur Gylfason hagfræðingur

Blaz Roca (Erpur) rappar um þjóðmál

Borgarahreyfingin hvetur til þess að öll samtök launþega veki athygli félagsmanna sinna á fundinum og að Samtök atvinnulífsins sýni vilja sinn til þjóðarsáttar og hvetji aðildarfélög sín til að gefa starfsfólki leyfi frá störfum,” segir að lokum.

Undir þetta kvitta:

Hreyfingin fyrir nýju lýðveldi á Íslandi; Raddir fólksins; Borgarafundurinn; Neyðarstjórn kvenna; Þjóðmálahópurinn frá lýgræði til lýðræðis; Framtíðarlandið; Anarkistar; Nýir tímar; Nóvemberhópurinn; Ábyrgð, Vald og Þjóð ;Nýtt lýðveldi; Not in Our Name; Dagblaðið Nei

“Yfirskrift fundanna hefur verið “Breiðfylking gegn ástandinu “. Fundurinn hefur einnig það markmið að sameina þjóðina og skapa meðal hennar samstöðu og samkennd. Ávörp flytja: Kristín Tómasdottir frístundaráðgjafi, Stéfán Jónsson leikstjóri, Illugi Jökulsson rithöfundur.”

Nánar á hordurtorfa.com:

Austurvöllur laugardag 29. nóv. kl. 15.00