Þriðju skjaldborgarmótmælin fara fram á morgun. Eftir borgarafundinn í gær er enn meiri þörf til þess að halda áfram að þrýsta á stjórnvöld. Stöndum vörð um Alþingi, vörð um lýðræðið. Látum stjórnvöld finna fyrir því að okkur sé ekki sama. Krefjumst ábyrgðar og kosninga!

Mætum öll á morgun kl. 12 fyrir fram Alþingishúsið

“BSRB, Félag eldri borgara í Reykjavík, Landssamtökin Þroskahjálp og Öryrkjabandalag Íslands standa fyrir útifundi á Ingólfstorgi mánudaginn 24. nóvember nk. kl. 16:30. Tilefni fundarins er óvissuástandið í efnahagsmálum þjóðarinnar, kjaraskerðing sem nú þegar blasir við mörgum og síðast en ekki síst hugmyndir stjórnvalda um stórkostlegan niðurskurð á útgjöldum til velferðar.”

Samstöðufundur á Ingólfstorgi - Verjum velferðina!

“Í Háskólabíói , mánudaginn 24. nóvember klukkan 20:00. Við hvetjum ríkisstjórn Íslands og alla alþingismenn til að mæta á svæðið, hlusta á sína kjósendur og vera með í umræðunni. Á sviðinu verður komið fyrir 12 merktum stólum fyrir ríkisstjórnina, auk stóla fyrir alla alþingismenn. Einn stóll verður sérmerktur seðlabankastjóra.”

Borgarafundur.org

Mótmæli verða áfram á Austurvelli undir leiðsögn hóps sem kallar sig Rödd fólksins. Ræðumenn verða Sindri Viðarsson sagnfræðinemi, Katrín Oddsdóttir laganemi, Gerður Pálma atvinnurekandi frá Hollandi.

Mótmæli á Austurvelli klukkan 15.00, laugardaginn 22. nóvember 2008

Mætum öll og mótmælum! Við viljum að Ríkisstjórnin víkji strax frá og að hér verði skipuð tímabundi þjóðstjórn til að bjarga því sem bjargað verður. Fjölmörg ríki hafa sýnt áhuga á að koma okkur til hjálpar en það er óframkvæmanlegt á meðan núverandi ríkisstjórn situr og sýnir engan veginn á sér fararsnið. Þó eru tveir þingmenn farnir síðan þá og það er í áttina. En botninum er löngu náð, þjóðin sættir sig ekki lengur við lögbrot, lygar, spillinu og falsanir sem eru bornar hér á borð nær daglega.

Mótum fyrir fram Alþingishúsið kl 12:00 á morgun og stöndum vörð um lýðræðið!

Íslenska krónan er orðin jafn mikils virði og Matador peningar úti í hinum stóra heimi og þess vegna ætlum við að kasta krónunni á morgun. Notum tækifærið og höfnum krónunni með táknrænum hætti. Mætum með nokkra krónupeninga og látum þá falla fyrir fram Alþingishúsið.

Við í Nýjum Tímum viljum hvetja alla sem ætla að mæta á morgun og vilja sýna andúð sína á áframhaldandi lífsbjargartilraunum með krónuna að koma með nokkrar krónur.

Mætum fyrir fram Alþingishúsið kl. 14:30 og köstum krónunni!

Mótmælum verður haldið áfram á Austurvelli á laugardaginn eins og síðustu vikur. Mótmælin byrja klukkan 15:00 eins og áður. Ræðumenn eru Andri Snær rithöfundur, Viðar Þorsteinsson heimspekingur og Kristín Helga Gunnarsdóttir rithöfundur.

Við viljum hvetja alla til þess að mæta og mótmæla á friðsaman hátt. Nýir Tímar hópurinn verður á svæðinu en verið er að skipuleggja aðgerðir. Nánari upplýsingar verða veittar annað kvöld.

Þeir sem hafa áhuga á því að taka þátt í starfinu er bent á póstlinn okkar.

Mikilvægt er að mæta á morgun því nú þegar einn þingmaður hefur sagt af sér er búið að taka tappan úr - það koma fleiri á eftir en það gerist ekki nema með þrýstingi og það verður að þrýsta þéttar að Alþingi.

Margir tóku þátt í bréfaskrifunum okkar til Alþingis, sem gerðu það að verkum að innanhúsmenn á Alþingi hafa talað við okkur og skrifað okkur. Núna sem aldrei fyrr verðum við að standa saman og láta allan heiminn vita af því að við látum ekki bjóða okkur meir, erlend stjórnvöld og stofnanir vilja ekki lána okkur peninga þar sem þeir treysta ekki Ríkisstjórninni sem nú situr sem fastast. Þetta kostar okkur gífurlegar fjárhæðir með hverri mínútu sem líður og menn vilja ekki víkja vegna ótta við að upp um þá komist, spilinguna sem þeir halda utan um og nú skulu þeir víkja!

Hvetjið alla til að mæta, taka sér hádegishlé og sýna samstöðu.  Öðruvísi sjáum við aldrei neinar breytingar! Friðsamleg Mótmæli við Alþingishúsið á morgun !

Sláum skjaldborg utan um Alþingishús okkar Íslendinga. Tökum höndum saman og myndum SKJALDBORG utan um Alþingishúsið klukkan 12:00 á morgun, miðvikudag - 12. nóvember.

Ríkisstjórnin víki Nú Þegar!