Verðtryggingarvandinn leystur
Raunvextir lána í flestum þeim löndum sem við berum okkur saman við eru nú neikvæðir. Þetta er gert svo heimili, og fyrirtæki geti greitt af lánum sínum á krepputíð frekar en að fara í þrot. En verðtryggð íslensk lán geta aldrei borið neikvæða raunvexti miðað við núverandi útfærslu vísitölutryggingar. Þessu er þó auðvelt og eðlilegt að breyta.
Dekur við sparifjáreigendur (Jón G. Hauksson)
http://www.heimur.is/heimur/timarit/frjals_verslun/pistlar/detail1_pistlar_fv/?cat_id=28676&ew_0_a_id=315774
Ekkert er eins mikilvægt en að lækka fjármagnskostnað skuldugra heimila og fyrirtækja í einum grænum til að þau eigi lífsvon. Það væri í sjálfu litlu að tapa fyrir Íbúðalánasjóð, lífeyrissjóðina og bankana. Þeir mega ekki við því að þúsundir manna, flest ungt fólk með börn, flýi land eftir gjaldþrot, eða vegna þess að fyrirtækin, sem þau vinni hjá og eru hin raunverulega uppspretta lífeyrissparnaðar í landinu, séu farin á höfuðið vegna verðtryggingar og okurvaxta. Ef neyðarlög ríkisstjórnarinnar um eignarnám bankanna voru lögleg þá held ég að neyðarlög, sem breyta kjörum verðtryggðra lána þannig að vísitalan verði fryst í eitt ár, standist stjórnarskrána. Ríkisstjórnin hefur staðið myndarlega við bakið á sparifjáreigendum í bankakreppunni. Hún hefur ábyrgst „íslenskar“ sparisjóðsbækur langt umfram skyldu (Innskot NT: eitthvað í kringum 600 milljarða). Hún hefur nú þegar dælt 200 milljörðum króna í peningamarkaðssjóði bankanna, eitthvað sem henni bar engin skylda til að gera. Hún má ekki til þess hugsa að afnema verðtryggingu. Það er samfélagsleg ábyrgð við „núverandi aðstæður“ að setja ekki tugi þúsunda heimila og fyrirtækja í landinu í gjaldþrot vegna verðtryggingar og okurvaxta. Sú samfélagslega ábyrgð felst ekki í dekri við sparifjáreigendur næstu mánuðina. Þeir verða líka að gefa eitthvað eftir.
Verðtryggingar - mútur vegna veikrar krónu
http://duddi9.blog.is/blog/duddi/entry/727301/
Verðbólgan á þessu ári er að mestu kominn til af braski bankanna með krónuna og síðan af hruni hennar í framhaldi af bankahruninu. Meðan almenningur herðir að sér og láglaunafólk líður skort mun sjálfvirk vísitala færa mörg hundruð milljarða frá skuldurum yfir til fjármagnseigenda þegar upp verður staðið. Á almenningur að borga tap lífeyrissjóða vegna lána til útrásargreifanna?
BSRB vill endurskoðun á vísitölugrunni
http://t24.is/?gluggi=grein&tegund=frett&id=4418
Segja nauðsynlegt að endurskoða gildandi vísitöluútreikinga því þeir endurspegla liðna tíð en ekki neyslumynstrið eins og það er nú.
Verðtrygging
http://ruddar.spjallbord.net/yaf_postst4041_Ver240trygging.aspx
Gylfi formaður ASÍ,- fyrir hönd starfshóps um vanda lántakenda vegna verðtryggingar - leggur það eitt til að lengja í snörunni. Fólki mun standa til boða að lækka greiðslubyrðina um allt að 20% en mismunurinn leggst auðvitað á höfuðstólinn þar sem hann safnar verðbótum auk vaxta um ókomna tíð (innskot NT: og margfaldar heildargreiðsluna). Þeir einu sem geta haft áhrif á verðbólguna eru fjármálastofnanir og hið opinbera en hafa í raun engan hag af því að halda henni niðri því þær tapa í raun engu á henni. Einstaklingurinn sem getur enga björg sér veitt og engin áhrif haft, ber alla byrðina. Ef bankar og íbúðarlánasjóður væru með útistandandi íbúðarlán á 5% óverðtryggðum vöxtum hefðu þeir verið hoppandi og skoppandi í hinu opinbera að slá á þenslu og ekki lánað almenningi krónu í neyslulán á meðan til að halda verðbólgu niðri. Verðtrygging setur þannig jafnvægi á framboði og eftirspurn á peningum úr sambandi. Ástæðan fyrir því að verðtrygging þekkist ekki í útlöndum er sú að þar leggjast allir á eitt að halda verðbólgu niðri, sérstaklega fjármálastofnanir því þar tapa svo miklu á henni. Hér á Íslandi vantar þeim þennan hvata.
Vaxtaþrælar - Verðtrygging er böl
http://www.vald.org/greinar/081126.html/
Verðtrygging hefur sennilega haldið verði íbúðarhúsnæðis 10-15% of háu árum saman. Verðtryggingin er byggð á röngum forsendum vegna þess að hún kemur í veg fyrir að framboð og eftirspurn lækki eða hækki vexti þegar það á að gerast. Hún felur raunverulegan kostnað og eykur greiðslubyrðina þegar spurt er að leikslokum. Þetta er auglýst sem eitthvað gustukaverk en þjónar aðeins okurlánurum. Lenging lána er níðingsgreiði því ef einstaklingur tekur 20 milljón króna lán til 70 ára frekar en til 30 ára sparar hann 15 þúsund á mánuði eða samtals um 5.5 milljónir en borgar í staðinn á 40 árum 50,8 milljónum meira en annars eða 10 sinnum meira en hann sparar í greiðslubyrði.
Verðtrygging er tifandi tímasprengja
http://fridrikof.blog.is/blog/fridrikof/entry/720316/
Höfuðstóll verðtryggðra lána hækkar með gríðarlegum hraða og afborganir verð yfirþyrmandi. Þegar í þokkabót bætist við að atvinnuástand fer hríðversnandi og fasteignaverð er hratt fallandi breytast allar forsendur þannig að útlit til eignamyndunar verður vonlaus og við slík skilyrði er veruleg hætta á að fólk bregðist við með því að hætta að greiða af lánum sínum og láti gera sig upp (innskot NT: sem mun valda gríðarlegu tapi banka, lífeyrissjóða og íbúðarlánasjóðs).
Útreikningur neysluverðsvísitölu er rangur + Umræða
http://eyjan.is/silfuregils/2008/12/04/utreikningur-neysluvisitolu-er-rangur/
Vísitala neysluverðs, sem verðtrygging lána byggir á, gefur ramskakka mynd af verðþróuninni í landinu. Verðbólgan er minni en vísitalan gefur til kynna. Segjum að fjölskylda hafi eytt 90 þús. kr. á mánuði í matvælakaup fyrr á árinu. Núna kosta þessi sömu matvæli kannski 120 þús. kr., en fjölskyldan eyðir eftir sem áður 90 þús. kr. í matarinnkaupin. Vísitalan mælir hins vegar hækkun upp á 33%, en vísitala fjölskyldunnar sýnir enga hækkun vegna þess að hún sparar við sig. Hún hefur ekki efni á því að kaupa óbreytta sömu matarkörfu og áður. Hvað er vísitalan þá að mæla, ef fólk er ekki að kaupa vöru og þjónustu fyrir meiri peninga? Jú, hún er að mæla kauphegðun við óbreyttar aðstæður. Að fjölskyldan kaupi fyrir 120 þús. kr. Slík mæling er auðvitað út í hött.
Hætti að greiða af lánum sínum
http://www.mbl.is/mm/frettir/innlent/2008/11/21/haetti_ad_greida_af_lanum_sinum/
Gunnar Tómasson hagfræðingur segir: Aðgerðir ríkissins til til hjálpar efnahag heimilana eru eins og að setja plástur á svöðusár. 200 milljarðar munu leggjast á verðtryggð lán næsta eitt og hálfa árið. Raunveruleg hætta á því að þeir sem séu með verðtryggð lán hætti að greiða af lánum sínu.
Verðtrygging (Gunnar Tómasson Hagfræðingur)
http://www.visir.is/article/20081103/SKODANIR/660801973
Árið 1983 var vísitölutrygging launa afnumin til að koma böndum á óðaverðbólgu sem keyrð var áfram af útlánaþennslu bankanna og tvíelft með samspili vísitölutryggðra launa og verðtryggðra lána. Þá um haustið spurði ég þáverandi fjármálaráðherra, Albert Guðmundsson, hvers vegna verðtrygging lána hefði ekki verið afnumin. Albert svaraði að ráðgjafar stjórnvalda hefðu mælt gegn því þar sem verðtrygging væri samningsbundin. En svo var þó einnig um vísitölutryggingu launa!
Verðtrygging er skálkaskjól stjórnvalda sem hafa hvorki vilja né getu til að stjórna peningamálum Íslands. Stjórnvalda sem létu það viðgangast að útlán bankanna jukust um 3450% ( þetta er ekki ritvilla) áratuginn 1970-1979 og um nánast sama hlutfall á árunum 1980-1989. Þótt árin eftir 1983 hafi verið skuldsettum heimilum erfið, gætu þau orðið barnaleikur í samanburði við þær þrengingar sem nú blasa við.
Samningsbrot ríkissins + Umræða
http://www.eyjan.is/silfuregils/2008/11/11/samningsbrot-rikisins/
20 milljón króna lán hækkar um 10,000 krónur á dag. þið alþingismenn eruð þjónar okkar, eigið að gæta hagsmuna okkar. Ekki nokkurra einstaklinga sem eru rétt feðraðir, eða eiga nóg af peningum
til að fjármagna kosningabaráttu ykkar eða eiga inni pólitíska greiða.
Hugleiðingar um óréttláta vísitölutryggingu lána
http://www.veiran.blog.is/blog/veiran/entry/707068/
Vísitölutrygging er í raun þennsluhvetjandi, því þegar vísitalan hækkar verður sjálfkrafa innspýting á krónum í umferð. Hækkun stýrivaxta virkar lítið í hagkerfi sem býr við verðtryggingu. Bönkunum stóð nákvæmlega á sama um verðbólguna sem þeir sjálfir sköpuðu með útlánaþennslu undanfarinna ára vegna þess að lán hækkuði í takt. Bankarnir græddu því á báðum endum.
Afnám verðtrygingar - rétti tíminn er núna! (Spara.is) + Umræða
http://bryndisisfold.eyjan.is/2008/11/10/afnam-verdtryggingar/
Verðtrygging er ósanngjörn þar sem lántakendur bera einir áhættuna af verðlagsbreytingum og verðtrygging dregur úr áhrifum peningamálastefnu Seðlabankanns. Aðeins hluti lífeyrissparnaðar okkar er verðtryggður en öll íbúðarlán. Augljóst mál að nú eru ríkari hagsmunir af því fyrir okkur að raunvextir af skuldum séu lágir frekar en að vextir af sparnaði séu háir.
Verðtrygginga og vextir
http://www.123.is/badsvellir/blog/record/298612/
Almenningur getur gert eitt til að mótmæla hækkun vaxta, hækkun gengis og svo ég tali nú ekki um verðtrygginguna. Hann einfaldlega hættir að greiða af lánum. Hvað gera bankarnir þegar þúsundir manna hætta að greiða af þeim? Þeir einfaldlega verða annaðhvort að ganga að okkar kröfum og semja eða verða gjaldþrota. Hvorn kostinn haldið þið að þeir muni velja?
Verðtrygging er hægfara eignaupptaka
http://www.islandshreyfingin.is/?i=6&b=11,283&offset=&offsetplace=&expand=
Verðtryggð lán hafa hækkað í gegnum tíðina samfara hækkandi launum, íbúða- og vöruverði. Í slíku umhverfi má vel rökstyðja verðtryggingu lána. Nú er samdráttur á Íslandi. Það er engin neysluverðbólga. Fjöldi manna hefur misst vinnuna og einkaneysla hefur dregist saman um rúm 7%
Umræða - Verðtrygging og húsnæði
http://www.malefnin.com/ib/index.php?showtopic=1213&pid=21446&mode=threaded&start=
– Hvenær ælta stjórnmálamenn að ranka við sér og breyta fjármálakerfinu hér varanlega og afnema verðtryggingu svo börnin þeirra þurfi ekki að strita 3-5 árum lengur til að eignast húsnæði í samanburði við nágrannaþjóðir okkar?
– Árið 2001 voru Lífeyrissjóðirnir búnir að tapa lifur og lungum, á spákaupmennsku í Lux og NY. Þá voru góð ráð rándýr, þar sem leið að aðalfundum félagana og allt stefndi í ákveðna skítalykt. Menn tóku þá upp ráð verðbréfamiðlara og settu á fót reikninga ytra, í hverja þeir settu fjármuni í stórum bunkum, þetta setti verulega ,,pressu” á gengið og það féll, með þeim afleiðingum, að verðbólga fór upp í um 8 af hundraði. Nú voru menn í góðum málum, þar sem öll lán sem þeir höfðu lánað síðastliðin 20 ár og ekki voru að fullu greidd, hækkuðu núna um þessi 8% og þannig ,,eign” sjóða í ísl krónum. Það er auðvitað sú tala sem kemur fram í reikningum þeirra á aðalfundi. Allir ánægðir, stjórnirnar endurkosnar með lófataki og tappar teknir úr, í tilefni ,,góðrar afkomu” sjóðana.
– Á íslandi er stunduð lögvernduð og sjálfvirk glæpastarfsemi. Stolið er frá þeim sem síst skyldi. Fátækum húseigendum á landsbyggðinni og ungu fólki sem er að reyna að koma sér þaki yfir höfuðið. Þeir sem vernda þennan stórfellda þjófnað eru þeir sem nutu gjafalána þegar þeir voru að eignast sín eigin hús. Þá var sparifé aldraðra ráðstafað til húsbyggjenda þess tíma á neikvæðum vöxtum, aldraðir sparifjáreigendur blæddu og urðu eignalausir. Fólk var blekkt til sparnaðar af bönkum og sparisjóðum undir slagorðinu: “Græddur er geymdur eyrir!”. Þeir sem eignuðust allt sitt á gjafalánum þessa tíma komust til valda og eignuðust eigið sparifé. Þeir voru búnir að sjá það út að sparifé brann upp í bönkunum á sama tíma og eignirnar þeirra hækkuðu. Nú voru þeir komnir í þá stöðu að verða sparifjáreigendur framtíðarinnar. Þeir ákváðu að koma upp verðtryggingu svo sparifé þeirra sjálfra glataðist ekki. Þannig fékk sama kynslóðin allt sitt fyrir ekkert
Umræða - Verðtrygging í hnotskurn!, Svona virkar hún í raun..
http://www.malefnin.com/ib/index.php?showtopic=101199
Bankarnir græða á því að verðbólga haldist há og þar af leiðandi er lítill hvati hjá þeim til þess að reyna á slá á verðbólguna með meiri aðhaldssemi í útlánum. Þeir eru tryggðir með bæði axlaböndum og belti.
Ísland eina landið sem verðtryggir skuldir heimilanna (Jóhanna Sigurðardóttir)
http://www.althingi.is/johanna/greinar/safn/000017.shtml
Efnahagsleg rök og sanngirni mæla með því að verðtrygging á lánum til heimilanna verði alfarið bönnuð.
Verðtrygging, Böl eða blessun?
http://www.vefritid.is/index.php/greinasafn/verdtryggingin-i/
Verðtrygging er góð fyrir alla hluteigandi, einungis ef það ríkir efnahagslegur stöðugleiki. Og það er ansi hreint stór forsenda.
Silfur Egils - Vilhjálmur Birgisson
http://dagskra.ruv.is/streaming/sjonvarpid/?file=4440908
Eign í fasteign er líka lífeyrir.
– skráið ykkur endilega á http://www.petitiononline.com/heimili/petition.html